realxeber.org

Qazaxıstan prezidenti Rusiyanın Aleksandr Nevski ordenindən İMTİNA ETDİ

18-06-2022, 18:07

Qazaxıstan prezidenti Rusiyanın Aleksandr Nevski ordenindən İMTİNA ETDİ

Qazaxıstan prezidenti Kasım-Jomart Tokayev Sankt-Peterburq Beynəlxalq İqtisadi Forumunda (SPİEF) olarkən Rusiya tərəfdən Aleksandr Nevskinin ordenini qəbul etməkdən imtina edib.

REALXEBER.ORG xəbər verir ki, bu barədə qazaxıstanlı politoloq Yerbol Yedilov öz "Telegram" kanalında rəsmi mənbələrə istinadən məlumat verib. Tokayevin mətbuat katibi Ruslan Jeldibay "Tengrinews" agentliyinin sorğusuna cavab olaraq bu məlumatı təsdiqləyib. Kreml də mükafatın planlaşdırılmadığını bildirib.

Yedilovun sözlərinə görə, Tokayev "şərəf üçün təşəkkür edib", lakin Qazaxıstan prezidenti prezidentlik fəaliyyətini dayandırana qədər həm yerli, həm də xarici heç bir mükafatı qəbul etməmək qərarına gəlib. Edilovun sözlərinə görə, Tokayev Qırğızıstanın ən yüksək dövlət mükafatı olan birinci dərəcəli “Manas” ordenini qəbul etməyib.

Rusiya prezidentinin mətbuat katibi Dmitri Peskov da öz növbəsində “Podyom” teleqram kanalına bildirib ki, Tokayevin Aleksandr Nevski ordeni ilə təltif edilməsi planlaşdırılmayıb.

“Bu məlumatın haradan gəldiyini bilmirəm, çünki mükafat nəzərdə tutulmayıb. Bununla bağlı heç bir plan yox idi”, - Kreml sözçüsü bildirib.


Zaur Qafarov


Mətndə səhv var? Onu siçanla seçin və Ctrl+Enter düyməsini basın. Oxunub: 88}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
© 2020 www.REALXEBER.org
Müəllif hüquqları qorunur. Məlumat internet səhifələrində istifadə edildikdə müvafiq keçidin qoyulması tələb olunur.
Təsisçi və direktor: Zaur Qafarov
(+99450) 339-83-80
Email: [email protected]