realxeber.org

Yol polisi bu sürücüləri 300 manat cərimələyir - XƏBƏRDARLIQ

14-06-2021, 16:01

Yol polisi bu sürücüləri 300 manat cərimələyir - XƏBƏRDARLIQ

Bakının Kürdəxanı qəsəbəsində yerləşən qazdoldurma məntəqəsindən qaz balonu doldurub şəxsi maşınlarında evlərinə daşıyan vətəndaşlar Dövlət Yol Polisi tərəfindən cərimə meydançasına aparılır və 300 manat məbləğində cərimə olunurlar.

Bu barədə Axar.az-a hüquqşünas Səbuhi Axundov məlumat verib.

Hüquqşünas bildirib ki, vətəndaşlar məsələnin hüquqi tərəfini öyrənmək məqsədilə ona müraciət ediblər.

“İnzibati Xətalar Məcəlləsində nəqliyyat vasitələrində təhlükəli yüklərin daşınması qaydalarının pozulması məsələsi öz əksini tapır. 348-ci maddəyə əsasən, fiziki şəxslər təhlükəli yüklərin daşınmasına görə 100 manat cərimə edilməlidirlər. Söhbət məişət qaz balonlarından gedirsə, Nazirlər Kabinetinin qərarında qaz təchizatından mühafizə qaydalarında sözügedən qaz balonları öz əksini tapmayıb. Belə hallarla rastlaşmamaq üçün qazdoldurma məntəqələri fiziki şəxslərin məntəqəyə daxil olmasına qadağa qoymalı və evlərə çatdırılma ilə bağlı qaydalara dəyişiklik etməlidirlər”, – hüquqşünas qeyd edib.

O bildirib ki, DİN-nin Dövlət Yol Polisi əməkdaşları tərəfindən vətəndaşlara qarşı bu cür cərimələrın qaydalara uyğun olmayan şəkildə tətbiqi etik deyil.

Məsələ ilə bağlı açıqlama verən Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov bildirib ki, təhlükəli yüklərin daşınması üçün xüsusi nəqliyyat vasitələri var. Bu, Yol hərəkəti haqqında qanunla tənzimlənir:

“Evdə istifadə edilən məişət qaz balonlarını daşımaq üçün xüsusi yük maşınları var. Vətəndaşlara diqqətli olmalarını, qaz balonları daşımaq üçün təhülkəsizlik məqsədilə həmin avtomobillərdən istifadə etmələrini tövsiyə edirik”, – polkovnik xəbərdarlıq edib.


Mətndə səhv var? Onu siçanla seçin və Ctrl+Enter düyməsini basın. Oxunub: 32}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
© 2020 www.REALXEBER.org
Müəllif hüquqları qorunur. Məlumat internet səhifələrində istifadə edildikdə müvafiq keçidin qoyulması tələb olunur.
Təsisçi və direktor: Zaur Qafarov
(+99450) 339-83-80
İctimai əlaqələr şöbəsinin müdiri: Firəngiz Əkbərova
(+99470) 269 06 36
Email: [email protected]