realxeber.org

Əziz Əzizovla Cəmşid Hənifəyevin birliyi Suraxanıdakı qanunsuz tikilini başa çatdırıb?

12-06-2021, 09:12

Əziz Əzizovla Cəmşid Hənifəyevin birliyi Suraxanıdakı qanunsuz tikilini başa çatdırıb?
Suraxanı rayonu, Yeni Suraxanı qəsəbəsi Samir Əliyev mərkəzi kucə 9 unvanında, 316 saylı orta məktəbin yanında yerləşən, təxminən 25-30 sot torpaq sahəsində Suraxanı rayonu İcra Hakimiyyətinin başçısı Əziz Əzizovun qeyri rəsmi göstərişi ilə hasara alınaraq ticarət məgsədi ilə tikinti işlərinə başlanılması barədə məlumatı hələ fevral ayından ictimaiiyyətə çatdırmışdıq.

Ötən bu müddət ərzində bir mətbuat orqanı olaraq sözügedən ərazidə tikinti işlərinin aparılmasına icazənin hansı orqan tərəfindən verilməsi ətrafında apardığımız araşdırmalar heç bir nəticə vermədi. Belə ki, Bakı şəhərinin inzibati ərazisində tikinti obyektlərinin tikintisinə və istismarına icazələrin verilməsinə birbaşa cavabdeh olan Dövlət Şəhərsalma və Arxitektura Komitəsi göstərilən ünvanda tikinti içlərinin aparılmasına heç bir münasibət bildirmədi.

Məlum olduğu kimi tikintiyə icazəni yerli icra hakimiyyəti orqanının verdiyi hallarda belə Komitə icazə verən orqanın sorğusu əsasında rəy bildirməlidir. Lakin bu iki aydan çox müddətdə nə Dövlət Şəhərsalma və Arxitektura Komitəsi, nə də Suraxanı rayonu İcra Hakimiyyəti tərəfindən yuxarıda qeyd etdiyimiz ərazidə aparılan tikintinin qanuni və ya qanunsuz olması barədə heç bir münasibət bildirilmədi... Niyə?

Aktualinfo.org-un əldə etdiyi məlumatlara görə 2020-ci ilin yanvar ayından Şəhərsalma və Arxitektura Komitəsinə təyin edilmiş yeni sədr Anar Quliyevin ölkə başçısı tərəfindən ona həvalə edilmiş sahəyə rəhbərlik edə bilməməsindən və yaxud da tikinti baronlarına gücü çatmamasından.

Artıq bu barədə dövrü mətbuatda da kifayət qədər ciddi məlumatlra rast gəlmək mümkündür. Şəhərsalma və Arxitektura Komitəsinin işçiləri tərəfindən Bakının ayrı -ayrı rayonlarında qanunsuz tikililərin qarşısının alınması barədə yaydıqları məlumatlar çox keçmir ki, tikintinin yenidən başlnılmasının şahidi oluruq. Bəs Şəhərsalma və Arxitektura Komitəsinin sədri Anar Quliyevin Yeni Suraxanı qəsəbəsi Samir Əliyev mərkəzi kucə 9 unvanında aparılan qanunsuz tikintinin dayandırılmasına gücü niyə çatmır.

Ərazidə tikinti işlərini aparanlar bir çox yüksək çinli dövlət məmurlarının adını hallandırırlar. Adları hallananlar arasında Binəqədi DYP-nin rəisi polis polkovnik-leytenantı Cəmşid Hənifəyev də var. Əldə etdiyimiz ən son məlumatlara görə ərazidəki tikinti işlərinə Cəmşid Hənifəyev nəzarət edir,tez-tez baş çəkir.

Qeyd edək ki, Cəmşid Hənifəyev DYP sistemində çoxdan çalışır, Bakı Dövlət Yol Polisi İdarəsinin ictimaiyyətlə əlaqələr şöbəsinin rəisi, xüsusi müşayiət bölüyünün komandiri,Səbail rayon Dövlət Yol Polisi Şöbəsinin rəisi olub. 25-02-2019-cu ildə Ramil Usubovun əmrinə əsasən, Cəmşid Hənifəyev tutduğu vəzifədən azad edilərək sərəncama götürülüb, ötən ilin dekabrında Vilayət Eyvazovun imzaladığı əmri ilə Binəqədi DYP-nin rəisi təyin edilib. Məlumatlara görə qeyri leqal olaraq geniş biznes şəbəkəsinə sahibdir. Əziz Əzizovdan aldığı torpaq sahəsində biznesini genişləndirmək niyyətindədir.

Maraqlıdır Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyin mütəxəssisləri görəsən hara baxır. Axı Bakı şəhər ərazisində aparılan tikinti işlərinin icazə verilməsi və eskiz layihəsi üzrə həyata keçirilməsinə həm də Fövqəladə Hallar Nazirliyi cavabdehdir.

Niyə FHN Tikintidə Təhlükəsizliyə Nəzarət Dövlət Agentliyinin əməkdaşları Bakı şəhəri, Yasamal rayonu, Məmməd Rahim küçəsi, məhəllə 534, ev 2 ünvanında yerləşən beşmərtəbəli yaşayış binasının 1-ci mərtəbəsində vətəndaşa məxsus qeyri-yaşayış sahəsinin xarici divarlarının sökülməklə binanın memarlıq görünüşünə qanunsuz dəyişiklik edilməsi faktı müəyyən edir,görür,qarşısını alır,amma Yeni Suraxanı qəsəbəsi Samir Əliyev mərkəzi kucə 9 unvanında aparılan qanunsuz tikilini görmür.

Axı Fövqəladə Hallar Nazirliyinin sözügedən qurumun tikinti sahəsinə aid fəaliyyətin bütün mərhələlərində təhlükəsizlik tələbləri ilə bağlı dövlət siyasətinin hazırlanmasında iştirak etmək, bu siyasətin həyata keçirilməsini təmin etmək və həmin sahədə dövlət nəzarətini həyata keçirmək kimi geniş səlahiyyətləri var.

Əvvəlki yazılarda da qeyd etdiyimiz kiimi, ərazi qeyd etdiyimiz kimi həm istismar müddəti bitmiş neft quyuları ilə əhatə olunub,həm də yaxınlığında orta ümumtəhsil məktəbi yerləşir ki, belə bir ərazidə hər hansı obyektin tikintisi yalnız şəhərsalma planlarına və normalarına uyğun şəkildə aparılmalıdır.


Məqalədə qeyd edilən bütün faktlar medaiada dərc edilib və təkzib edilməyib. Qarşı tərəf kimi yazıda adı keçən şəxslərin və qurumların mövqeyini dərc etməyə hazırıq.

Mənbə: Aktualinfo.org


Mətndə səhv var? Onu siçanla seçin və Ctrl+Enter düyməsini basın. Oxunub: 388}
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
© 2020 www.REALXEBER.org
Müəllif hüquqları qorunur. Məlumat internet səhifələrində istifadə edildikdə müvafiq keçidin qoyulması tələb olunur.
Təsisçi və direktor: Zaur Qafarov
(+99450) 339-83-80
İctimai əlaqələr şöbəsinin müdiri: Firəngiz Əkbərova
(+99470) 269 06 36
Email: [email protected]