realxeber.org
realxeber.org

Bu il niyə 700 bal toplayan olmadı? – Müqayisəli STATİSTİKA

1-06-2019, 18:00 144 dəfə baxılıb

Bu il niyə 700 bal toplayan olmadı? – Müqayisəli STATİSTİKA
Dövlət İmtahan Mərkəzi 7, 14, 21, 28 apreldə buraxılış imtahanı (qəbul imtahanının birinci mərhələsi), 12 mayda I – IV, mayın 19-da II və III ixtisas qrupları üzrə abituriyentlər üçün qəbul imtahanlarını keçirdi.

Bununla bağlı Primetime.az-a danışan təhsil eksperti Kamran Əsədov buraxılış imtahanı (qəbul imtahanının birinci mərhələsi) üzrə nəticələrdən söz açıb:

“Aprelin 7-də keçirilmiş buraxılış imtahanında (qəbul imtahanının birinci mərhələsi) 27660 nəfər iştirak edib və 2 şagird onlara təqdim olunan bütün tapşırıqlara düzgün cavab verərək maksimum nəticə – 300 bal toplayıb. Aprelin 14-də keçirilən buraxılış imtahanında (qəbul imtahanının birinci mərhələsi) 28634 nəfər iştirak edib və şagirdlərdən heç kim maksimum bal toplaya bilməyib.

Aprelin 21-də keçirilən buraxılış imtahanında (qəbul imtahanının birinci mərhələsi) 22499 nəfər imtahanda iştirak edib. Bu imtahanda 2 şagird onlara təqdim olunmuş bütün tapşırıqlara düzgün cavab verib və maksimum nəticə – 300 bal toplayıb. Aprelin 28-də isə keçirilən imtahanda 19486 nəfər iştirak edib, heç kim maksimum bal toplaya bilməyib.

Beləliklə, 4 buraxılış imtahanında (qəbul imtahanının birinci mərhələsi) iştirak edən 98279 nəfərdən yalnız 4 nəfər onlara təqdim olunan bütün tapşırıqlara düzgün cavab verib və maksimum nəticə – 300 bal toplayıb”.

K.Əsədov qəbul imtahanı üzrə nəticələrdən də danışıb:

“Buraxılış imtahanında (qəbul imtahanının birinci mərhələsində) abituriyentlərə tədris dili fənnindən 30, riyaziyyat fənnindən 25, xarici dil fənnindən 30 tapşırıq olmaqla, ümumilikdə 85 tapşırıq təqdim olunur. Bu mərhələdə fənlərinin hər biri üzrə toplanıla biləcək maksimal bal 100-dür. Qəbul imtahanları üzrə mayın 12-də I və IV ixtisas qrupları üzrə abituriyentlər üçün keçirilən qəbul imtahanlarında iştirak etmiş 32174 abituriyentdən bir nəfər ona təqdim olunmuş bütün test tapşırıqlarına düzgün cavab verib və maksimal nəticə – 400 bal toplayıb. Mayın 19-da II və III ixtisas qrupları üzrə abituriyentlər üçün keçirilən qəbul imtahanlarında iştirak etmiş 35423 abituriyentdən heç kim maksimum bal toplaya bilməyib.

Qeyd edim ki, qəbul imtahanlarında hər fənn üzrə 30 test tapşırığı təqdim olunur. Bu tapşırıqların 22-si qapalı, 8-i isə açıq tiplidir. Açıq tipli tapşırıqlardan 5-i cavabların kodlaşdırılması tələb olunan hesablama, seçim və ya uyğunluğu müəyyən etmək tipli tapşırıqlardır. Digər açıq tipli 3 tapşırıq isə yazılı şəkildə cavablandırılması tələb olunan situasiya, mətn və yaxud mənbə əsasında hazırlanan tapşırıqlardır. Açıq tipli tapşırıqlar üzrə səhv cavablar düzgün cavabların nəticəsinə təsir göstərmir. Bu imtahanda (qəbul imtahanının ikinci mərhələsi) abituriyentlərin toplaya biləcəyi maksimal ümumi bal 400-dür.

Beləliklə I,II,III,IV ixtisas qrupları üzrə qəbul imtahanda iştirak edən 67597 nəfərdən yalnız 1 nəfər I ixtisas qrupu üzrə ona təqdim olunmuş bütün tapşırıqlara düzgün cavab verib və maksimum nəticə – 400 bal toplayıb:

Ekspert bildirib ki, ümumilikdə DİM-in XI sinif bazasından kurikulum proqramı əsasında aprel və may ayında keçirdiyi imtahanlarda iştirak edən 165876 nəfərdən 5 nəfər imtahanlardan maksimum bal toplasa da, 2019-cu ildə 700 bal olmadı və bundan sonra da olması mümkün deyil:

“Yəni təhsil sistemi 2019-cu ildə maksimum nəticə göstərə bilmədi. Baxmayaraq ki, keçən il, 2018-ci ildə 29 nəfər 700 bal toplamışdı. Hazırda ixtisas qrupları üzrə ən yüksək bal vəziyyəti belədir:

I qrupda maksimum bal 682,9

II qrupda maksimum bal 687.5

III qrupda maksimum bal 684.8

IV qrupda maksimum bal 691.8

İxtisas qrupları arasında ən çox yüksək bal toplayan abituriyentlər IV ixtisas qrupundadır. IV ixtisas qrupu üzrə 294 nəfər 600 baldan yuxarı nəticə göstərib. Deməli, neçə illərdir qəbul və buraxılış imtahanlarındakı nəticələr təhsil sisteminin yox, repititoluğun, hazırlıq kurslarının nəticəsidir”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA